Navenda Nûçeyan/Dengê Azad

Îro li Enqerê, li ber Navenda Giştî a Partiya Maf û Azadiyan-HAK-PARê ji bo koça dawî a Serokê Giştî yê HAK-PARê Fehmî Demîr merasîmek hate lidarxistin. Sekreterê Giştî yê Partiya Sosyalîst a Kurdistan-PSKê Mesûd Tek, siyasetmedar û damezrênerê PSKê û kevne serokê HAK-PARê Kemal Burkay, Hevserokê Partiya Demokratik a Gelan-HDPê Selahattin Demîrtaş, Serokê Partiya Azadî a Kurdistanê-PAK Mustafa Ozçelîk û Serokê Platforma Demokrat a Kurdistana Tirkiyê-PDKT Sertaç Bûcak, Serokê Partiya Azadî û Sosyalîstmê Sînan Çiftyurek, Koordînatorê Giştî yê Tevgera Azadî Sidki Zîlan, Nûnerên Partiya Demokrat a Kurdistan-PDK li Tirkiyê û Yekîtî Niştîmanî Kurdistan-YNK li Tirkiyê û nûnerên saziyên sivîl beşdarê merasîmê bûn.

Piştî merasîmê cenazeya Fehmî Demîr ji bo spartina axê veguhestin beldeya Yenîceobayê a serbi navçeya Cihanbeylî a bajarê Konyayê.

Cenazeya Fehmî Demîr li Yenîceobayê bi alaya rengîn ve hate pêşwazîkirin û ser milê rêhevalên wî yê PSKê û HAK-PARê ve ber bi goristana Yenîceobayê ve birêketin.