7ê Gulan a 2015 Li piraniya bajarên Îranê û bi taybetî Rojhilata Kurdistanê, mamostayan dest xwepêşandanan kirin. Ji aliyê xwe ve ji 4ê Gulanê vir ve 60 mamosteyên bajarê Bokanê ku ji aliyê îdera ewlehî a wê bajarê ve hatibûn bang kirin, çarenivîsa 8 ji wan nediyar e.
Ajansa Basnewsê ragihand ku Îro, 7ê Gulanê, ji ber baştirkirina rewşa jiyan û karê wan, mamostayan li piraniya bajar û bajarokê Îranê, bi taybetî li Rojhilatê Kurdistanê dest bi xwepêşandanan kirin.
Xwepêşandanên mamostayan piştî wê yekê hat ku, ji berî çend rojan ve banga xwepêşandanê kiribûn.
Çarenivîsa 8 mamosteyên Bokanî nexuya ye
Ji çarenivîsa 8 mamosteyên ku bo nawenda ewlekarî ya bajarê Bokanê hatibûn gazîkirin, tu zaniyariyek di dest de ninin. Piştî bangkirina mamosteyan bi îdareya Îtilaata bajarê Bokanê, niha çarenivîsa 8 kes ji wan 60 mamostayan nezalal e. Li gorî nûçegihanê Kurdpa li Bokanê, nav û nasnameya wan 8 kesan ev e: Selman Îmamzenbîlî, Cemal Muînî, Bêhzad Kerîmî, Fuwad Şerîetpenah, Mewlûd Xançezerd, Rehman Enbar, Rehîm Xalendî û Hejîr Qehremanî. Her li ser vê mijarê, jêdereke agah li Bokanê bi nûçegihanê Kurdpa re daye zanîn ku: Çavdêriya NawendaPerwerde û Hînkirina Bokanê soza nivîskî ji mamosteyan wergirtiya û ji wan re hatiye ragihandin ku bi tu awayî mafên beşdarîkirina di xwepêşandanên mamosteyan (pêncşemî, 7 gulanê) de ninin.
Wê çavkaniyê da zanîn: Armanc ji gazîkirina mamosteyan bo nawendên ewlekarî, pêşîgirtin ji birêvebirina gireva gelemperî (giştî) li Îranê ye. Biryar hatibû dayîn ku îro mamosteyên seranserê Îranê, bi nîşaneya nerazîbûn ji rewşa bijîv û debara jiyana xwe, ferq û ciyawaziyên navbera fermanberan li welatê Îranê, sîstema şaş ya hînkirinê û her wiha sozên bê bingeh yên Rûhanî li ser cî bi cî kirina xwestekên wan, xwepêşndanan lidar bixin. Di çend mehên borî de mamosteyên Kurdistan û Îranê, çendîn caran dest bi xwepêşandanan kiribûn, lê hertim xwestekên wan bê bersiv mabûn. |
